Së fundmi Partia Demokratike ka reaguar nëpërmjet një postimi në faqen zyrtare të facebook, menjëherë pasi ish kryeministri, Sali Berisha przantoi Bardh Spahinë si kandidat për kreun e bashkisë Shkodër.
Berisha nuk la pa përmendur edhe kandidatin e PD, Xhemal Bushatin duke i thënë se ishte në anën e gabuar.
Në reagimin e bërë nga PD, thuhet se Berisha nuk kishte përmendur asnjë fjalë për Tom Doshin dhe kishte folur vetëm për demokratë të cilët nuk kishin abuzuar asnjëherë me detyrën e tyre.
Reagimi i Plotë nga PD:
Aleanca e non gratave u shfaq edhe në Shkodër. Asnjë fjalë për Tom Doshin, vrerë e mllef ndaj demokratëve të ndershëm që qëndrojnë sot kryelartë para çdo shkodrani e shqiptari, që as nuk kanë abuzuar me pushtetin e tyre dhe as nuk i kanë mashtruar si ata që rrethojnë non gratën. Mashtrimet nuk e shpëtojnë dot.
Kandidatët e “Shtëpisë së Ilirit” kanë vetëm një mision, të bëhen mburojë e non grates dhe të dëmtojnë Partinë Demokratike, për hallet dhe interesat e tyre. Demokratët e ndershëm shkodranë nuk mund të pranojnë të poshtërohen me kandidatë të LSI-së, që t’i përdorin më pas për pazarin e radhës me Edi Ramën, siç bëri në 2013-ën.
Demokratet nuk do të kthehen kurrë në shërbëtorë të aleancës së non gratave. Ata dhe çdo shqiptarë e di se çdo votë për Berishën dhe Metën mban Ramën, çdo votë për Ramën mban Berishën dhe Metën.
