Gazetari dhe moderatori Blendi Fevziu është përlotur gjatë emisionit të sotëm, ku edhe ka trajtuar një temë të veçantë. Sot, ai ka sjellë ditën e sotme në emisionin “Opinion” dëshmi të rralla të genocidit në Kosovë, duke treguar se ato që kanë parë në Prishtinë e kanë përlotur.
“Emisioni i sotëm do të jetë krejtësisht i veçantë. Është një prej emisioneve që edhe unë gjatë momenteve të regjistrimit jam përlotur. Jam i sigurt që shumë prej jush do të përloten sot. Do të përloten sepse edhe efekti që mund të arrinit direkt atje ku ne kemi kryer intervistat do ishte shumë më i fortë se ai që vjen në formë televizive,”- tha Fevziu.
Në Prishtinë është zhvilluar një ekspozitë me sendet personale të 1133 fëmijëve të vrarë dhe të zhdukur gjatë luftës së Kosovës. Bëhet fjalë për fëmijë që nuk e kishin idenë se çfarë është lufta apo problemet ndëretnike.
