Dita e 10-të e grevës në Ballsh, Dautaj: Kanë thyer çdo lloj besimi me ne, do t’i drejtohemi ambasadave

Futet në ditën e dhjetë e greva e urisë në Ballsh.

Grevistët vazhdojnë të refuzojnë shërbimi shëndetësor.

Njëri nga grevistët ka pasur komplikacione shëndetësore dhe është dërguar në spitalin e Ballshit.

Ndërkohë, përfaqësuesi i grevistëve shprehet se ata kanë humbur cdo lloj besimi, pasi nuk është mbajtur asnjë afat.

Ai shton se do se do t’i drejtohen ambasadave dhe tashmë kërkojnë të gjitha pagat që kanë pa marrë.

Sokol Dautaj: Kanë thyer çdo lloj besimi me ne, kane lënë një afat dhe nuk e kanë zbatuar. 

Duke parë që politika nuk reagon do t’i drejtohemi ambasadave.

Në qoftë se deri dje kërkuam tre pagat tashme ne kërkojmë pagat totale.

Do marr rrugët e Evropës, nuk punoj më këtu sepse s’ka zgjidhje.

Pak ditë më parë, një përfaqësi e grevisteve te Ballshit u takuan me zv. ministrin e Energjisë Ilir Bejtaj, në prani të kreut të bashkësie Mallakastër, Qerim Ismaili dhe deputetin e zonës, Ismet Beqiri.

Në takim është premtuar që do të gjendet zgjidhje për kalimin e pagave, por deri më tani një gjë e tillë nuk ka ndodhur.