Një aksident rrugor ka ndodhur këtë pasdite në Cërrik, duke lënë të plagosur pesë persona. Policia njofton se ngjarja është shënuar në vendin e quajtur “Kryqëzimi i Yllit”, teksa drejtuesi i mjetit ka humbur kontrollin duke dalë nga rruga dhe përfunduar në një lokal.
Njoftimi i policisë:
Cërrik
Në vendin e quajtur “Kryqëzimi i Yllit”, Cërrik, drejtuesi i mjetit J.Ç., 38 vjeç, nga Cërriku, ka humbur kontrollin e automjetit dhe ka dalë nga rruga duke përfunduar në një lokal.
Për pasojë janë lënduar jashtë rrezikut për jetën 5 persona, që ishin duke drekuar në lokal.
Menjëherë pas aksidentit drejtuesi i automjetit është larguar nga vendi i ngjarjes, por falë reagimit në kohë të Policisë është ndaluar dhe është shoqëruar në Komisariatin e Policisë Elbasan, për veprimet e mëtejshme.
Grupi hetimor po punon për sqarimin e rrethanave të aksidentit. Policia e Elbasanit u apelon gjithë drejtuesve të mjeteve të respektojnë rregullat e qarkullimit rrugor!
