Një vajzë 30 vjeçare, Josefin Elin Sando, me kombësi suedeze, gjeti vdekjen këtë të enjte në Riva del Garda, provincë e Trento në Itali, pasi parashuta me të cilën u hodh nga lartësia nuk u hap.
E reja kishte shkuar në zonën turistike në veri të liqenit Garda, për të bërë hedhje bashkë me të shoqin nga disa shkëmbinj.
Por gjatë hedhjes parashuta e burrit u hap normalisht, ndërsa ajo e së resë, pati probleme, duke bërë që Josefin të përplaset pas shkëmbinjve dhe më tej në tokë, duke gjetur vdekjen.
Hedhja dhe mos hapja e parashutës ndodhi mëngjesin e djeshëm në malin Brento, ku është një bazë e mirë për të pasionuarit pas hedhjeve me parashutë nga lartësia.
Trupi i së resë u rikuperua nga ndihma e shpejtë, por e reja nga Stokholm, ishte dëmtuar fatalisht.
