Erdogan nuk pranoi rezultatin, ja çfarë ndodh me Stambollin

Komisioni Qendror Zgjedhor i Turqisë (YSK) urdhëroi sot organizimin e një procesi të ri zgjedhor për bashkinë e Stambollit, në përgjigje të një kërkese të partisë së presidentit, Recep Tayyip Erdogan i cili kundërshtonte fitoren e opozitës në zgjedhjet në fund të marsit.

”Partia AKP parashtroi kërkesën për mbajtjen e zgjedhjeve të reja pas denoncimit të parregullsive, që sipas saj ndryshuan rezultatin e votimit më 31 mars. Zgjedhjet në Stamboll do të ripërsëriten’’, u shpreh me anë të një postimi në Twitter përfaqësuesi i AKP-së pranë YSK-së, Recep Ozel.

Vendimi i anulimit të zgjedhjeve dhe urdhri për mbajtjen e një votimi të ri u mor pas një takimi të YSK –së në Ankara.

Në këto zgjedhje, kandidati i disa partive opozitare, Ekrem Imamoglu fitoi ndaj atij të AKP-së, ish-kryeministri Binali Yildirim, me më pak se 15 000 vota më shumë./real-news.tv/