Shtatorja e ish-mbretit Zog në kryeqytet, pranë ish-stacionit të Trenit, është dhunuar në orët e para të mëngjesit të kësaj të mërkure.
Sikurse shihet në pamjet ekskluzive të mbërritura në ‘Real News’ persona ende të paidentifikuar, kanë shkruar: “Poshtë tradhtar i kombit, spiun i Serbisë”, teksa kërkojnë që në këtë hapësirë të vendoset e shtatorja e figurave të tjera që kanë shkruar historinë e Shqipërisë, si Ismail Qemali, Bajram Curri dhe Isa Boletini.
Ende nuk dihet se kush janë personat që kanë bërë këtë veprim, gjë për të cilën kanë nisur hetimet.
