Ibraim Lici është 26-vjeçari i dyshuari kryesor i vrasjes së dy vëllezërve Bilali. “Ai është nipi i Fatbardh Licit i vrarë më 8 gusht 2018 dhe djali i Mustafë Licit, anëtar i këshillit bashkiak në Shkodër dhe drejtues i partisë Mendimi i Djathtë Liberal.
Nga ana tjetër viktima Fatbardh Lici është kunati i Lulzim Kullës, biznesmenit të njohur ndaj të cilit u bë atentat më 13 janar të vitit të kaluar me lëndë shpërthyese ku mbeti i plagosur”, – njofton Balkanweb.
Sipas policisë ngjarjet lidhen me hakmarrjen mes grupeve kriminale dhe aktivitetin e djalit të njërit prej vëllezërve Bilali, Asmirit, një ish-kampion i sportit të boksit, i arrestuar në shtator të vitit të kaluar si pjesë e grupit kriminal “Bajri”.
Grupet kriminale që veprojnë në Shkodër kanë një histori më shumë se 25-vjeçare.
