Kryeministri në largim, Ramush Haradinaj, ka deklaruar se ende nuk ka marrë një thënë ftesë zyrtare nga presidenti Hashim Thaçi për konsulta për qeverinë e re.
Sipas Kushtetutës, presidenti duhet të thërrasë përfaqësues nga partitë politike politike për të zgjedhur një emër për të pasuar Haradinaj.
“Unë kam kërkuar nga Grupi Parlamentar i AAK-së dhe nënkryetari i partisë Ahmet Isufi që t’i fillojë konsultat me Grupet e tjera Parlamentare që ta përkrahin shpërbërjen e Kuvendit që të mos vonohet shkuarja në zgjedhje”.
“Presidenti, Hashim Thaçi, ka paralajmëruar, por ende nuk e kemi marrë ftesë zyrtare për takim, por mirë është t’i respektojë afatet kohore të parapara kushtetuese dhe ligjore që të veprojë”.
Ai në një konferencë për media se ndonëse ka dhënë dorëheqje nga posti i kryeministrit vazhdon të ketë përgjegjësi institucionale.
Haradinaj përsëriti se dorëheqja e tij erdhi për shkak të ftesës për të dhënë dëshminë në Gjykatën e Hagës.
“Dorëheqja nuk ka ardhur për shkaqe të brendshme. Kam mjaft kurajo njerëzore dhe politike që ta adresoj arsyen e çdo veprimi tim, qoftë edhe kur është jo e pëlqyeshme. Dorëheqja është shkak i ftesës nga Gjykata Speciale sepse nuk kam mundur ta nxjerr shtetin e Kosovës para prokurorëve”.
Haradinaj ka njoftuar se e ka thirrur një takim për nesër me liderët e partive politike që është aktualisht edhe në koalicion qeverisës.
