Në Zvicër, midis viteve 2009 dhe 2016, detektivët u përdorën në rreth 220 hetime në vit. ‘Dy të tretat e atyre që u përshkuan, u shpallën fajtorë për mashtrim’, shkruajnë mediat zvicerane.
Në vitin 2016, Gjykata evropiane e të drejtave të njeriut vendosi që përfituesit e aksidenteve nuk duhet të gjurmohen, sepse nuk kishte një kornizë ligjore të përcaktuar që përfshin praktikën. Pastaj në vitin 2017, Gjykata Federale, gjykata më e lartë e Zvicrës, vendosi kundër praktikës edhe për përfituesit e aftësisë së kufizuar.
Qeveria atëherë prodhoi ligje të reja për të sqaruar se çfarë është e mundur dhe çfarë jo. Më 25 nëntor 2018, 64% e votuesve zviceranë votuan në favor të ligjeve të reja, duke i hapur rrugën detektivëve të rifillojnë punën e tyre hetimore.
Detektivët duhet të jenë të kualifikuar, të autorizuar dhe të plotësojnë një seri kushtesh. Për më tepër, vendet ku dikush mund të vëzhgohet është i kufizuar në zona lirisht të arritshme. Personi që ndiqet duhet të jetë i informuar dhe konfidencialiteti e siguria e të dhënave duhet të garantohet.
Ligjet e reja do të hyjnë në fuqi më 1 tetor 2019.
