Një vendim shumë i rëndësishëm ka ardhur nga autoritetet e Bashkimit Evropian.
Agjencia Evropiane e Barnave (EMA) ditën e sotme ka rekomanduar autorizimin e ilaçit anti-viral ‘Remdesivir’ për trajtimin e pacientëve me koronavirus në Bashkimin Evropian.
“Remdesivir është ilaçi i parë COVID-19 që rekomandohet për autorizim në BE,” tha agjencia në një deklaratë.
Ilaçi i cili injektohet në mënyrë intravenoze, ka ndihmuar në përmirësimin e gjendjes së personave të prekur me Covid-19 dhe ilaçi funksiononte më mirë kur i jepej pacientit që në fazat e hershme të infeksionit.
