Aplikimet kanë nisur dhe mënyra e regjistrimit do të bëhet nëpërmjet portalit e-Albania, pa qenë nevoja të drejtohen nëpër dyert e shkollave. Pas përfundimit të arsimit 9-vjeçar, në total janë rreth 32 mijë nxënës, të cilet do t’i drejtohen dyerve të gjimnazeve.
Gjimnazet kanë krijuar akses për t’u ofruar ndihmë nxënësve, për çdo paqartësi të mundshme. Përcaktimi i gjimnazeve bëhet në bazë të vendbanimit, si dhe shkollës 9-vjeçare që nxënësit kanë ndjekur.
