Dosja Epstein ka tronditur jo vetëm Amerikën, por edhe Ballkanin, teksa ka zbuluar emra të përfshirë, mes tyre edhe zyrtarë të fuqishëm. Por, këtë herë janë zbuluar detaje të tjera nga Ballkani në dosjen famëkeqe.Konkretisht, janë zbuluar akuza tronditëse për përfshirje të mundshme të një shtetasi të Maqedonisë, profesor në Universitetin e Kolumbias, në eksportimin e trurit të njerëzve nga Maqedonia e Veriut me qëllim fundor, eksperimente shkencore në Shtetet e Bashkuara.

Këto zbulime kanë ardhur pas zbulimit të një emaili të dartës 5 shkurt 2019, me titull: Ilaçi 50-vjeçar që mund të zgjidhë krizën e vetëvrasjeve në Amerikë, të dërguar me datë 5 shkurt 2019-të, me emër dërguesi dhe marrësi të censuruar, thuhet se nga Maqedonia kanë mbërritur në SHBA rreth 1000 tru njerëzish, disa prej tyre nga persona që kanë kryer vetëvrasje.

Bëhet fjalë për një email, në të cilin diskutohen kërkime që lidhen me shkaqet dhe aspektet biologjike të vetëvrasjeve, ndërsa lidhur me eksportimit e trurit të njerëzve nga Maqedonia e Veriut drejt SHBA, një anëtar i fakultetit të Universitetit të Kolumbias ka ndihmuar në të gjithë këtë proces. Gjithashtu, në dokumente përmenden gjithashtu shkencëtarë nga disa universitete të njohura amerikane, duke përfshirë Pittsburgh, Columbia, New York dhe Yale.

Në pjesën për Maqedoninë, thuhet se “vendi i vogël ballkanik siguron “material” referuar organit të trurit tek njerëzit. Mësohet se organet janë dërguar menjëherë pas heqjes, ndërkohë që hetimi nuk përmban asnjë informacion nëse familjet e të ndjerëve dhanë pëlqimin e tyre për një përdorim të tillë të organeve, as nëse institucionet shtetërore ishin në dijeni ose dhanë leje për një lëvizje të tillë.

Organet janë transportuar me aeroplan nën eskortë speciale dhe u dërguan me anije në Shtetet e Bashkuara. Atje, ata kanë përfunduan në kuti speciale, të shënuara me kode, sipas anës së trurit dhe datës së marrjes, pa specifikuar vendin ku organet i nënshtroheshin më pas procedurave eksperimentale.

Duket se vendimi i opozitës për të bojkotuar komisionet, ka përçarë grupin e Partisë Demokratike.

Në mbledhjen me dyer të mbyllura të grupit parlamentar Berishës i kanë dalë kundër disa deputetë për vendimmarrjen e bojkotit të reformave.

Bëhet fjalë për Bledjon Nallbatin, Xhelal Mziun, Oerd Bylykbashin, Ina Zhupën, Tritan Shehun dhe Arjan Ndojën, të cilët kanë deklaruar se duhet të merret pjesë në komisione për reformat

Në këto kushte Berisha është shprehur se do jetë kryesia që do marrë vendimin final.

Sot ishte afati i fundit që opozita të merrte pjesë në komisione, dhe pas vendimit të bojkotit, të martën në seancë plenare do të diskutohet kërkesa e grupit parlamentar socialist për  për ndryshimin e përbërjes të këtij komisioni dhe heqjen e paritetit të opozitës në drejtim.

Në Gjykatën e Posaçme Antikorrupsion u mbyll sot shqyrtimi paraprak i çështjes së kryebashkiakut të Tiranës, Erion Veliaj.

Kjo seancë e sotme me dyer të mbyllura  nuk kaloi pa debate, mësohet se Veliaj ka deklaruar: Një vit burg, dy vite e gjysmë hetime, i ka kushtuar shtetit shqiptar me rroga prokurori, hetues, gjyqtar, logjistikë, roje, transport, administratë, ekspertë, mbi 1 milion euro. Sot është bërë grepi më i shtrenjtë se peshku që pretendoni që keni kapur.

Gjyqtarja Etleva Deda u tërhoq për vendimmarrje, nëse kalon për gjykim apo jo, ndërsa seanca e radhës do të jetë më 9 shkurt