Aktori Fitim Makashi është ndarë ditën e djeshme nga jeta në moshën 82-vjeçare, ndërkohë që sot në teatrin ‘ArTurbina’ janë mbajtur homazhet në nderim të tij.

Në homazhe morën pjesë emra të njohur të botës së teatrit, kinematografisë, por edhe shok e miq të artistit.

I pranishëm ishte edhe djali i Fitimit, Redoni, i cili u përlot teksa foli për gazetarët për ndarjen nga jeta të të atit.

Redoni tha se ende i dukej si një ëndërr vdekja e të atit, teksa shtoi se prania e miqve dhe të afërmve të babait ja lehtësonte sadopak dhimbjen.

Ai tregoi edhe një historik të shkurtër të jetës së të atit mes Shqipërisë dhe Shteteve të Bashkuara të Amerikës, teksa tha se Fitimi ndihej më mirë në vendin e vet, mes miqve të tij, pavarësisht se shkoi në SHBA për të ndjekur ëndrrën e tij.

“Na ra kështu, si një…. Dhe në kohën që po flasim bashkë më duket si një ëndërr. Miqtë e kanë respektuar shumë babain dhe kjo ma heq pak atë dhimbjen. Këta kanë qenë një brez që nuk kthehen më. Sinqeriteti i tyre dhe shoqëria e tyre… Ai në shtëpi fliste edhe për miqtë e tij, por edhe për miqtë e tij që kishin shkuar para tij. Sado sado është një dhimbje që vetëm brenda e ndiejmë. U shkëput herët nga teatri, sepse ndodhën ato trazirat dhe në atë periudhë ai, si nëna dhe babai, u detyruan të iknin në Amerikë për 15 vite. Dhe sa herë i shihja që ktheheshin nga ai vend, ktheheshin gjithmonë e më të plakur. Edhe i thoja që të rrinin në Shqipëri, sepse këtu i kishin shokët e miqtë. Nuk ishte e lehtë jeta jashtë. Gjithsesi sot kur shoh shokët e tij, ma lehtëson pak dhimbjen. Por është dhimbje e pashërueshme”, tha mes të tjerash Makashi.

Ndërkohë në homazhe mori pjesë edhe aktorja Rajmonda Bulku, e cila e përshkroi Fitim Makashin si një njeri me karakter, luftarak dhe brilant në profesionin e tij.

“Ju nuk e kuptoni sesa dhimbje, por dhimbje e bukur, sepse sa bukur ta kujtosh një njeri sesa shpirt të madh kishte. Ashtu siç kishte në rolet e tij xheneroze, ashtu ishte edhe në jetë. Një Fitim që do ta kujtojmë gjithmonë. Gjithmonë luftoi që në ato ambientet e teatrit të kishte një palestër që aktorit i duhej. Ishte edhe luftarak me heshtjen dhe mençurinë e tij. Pra një njeri i përkushtuar në profesion, një partner i shkëlqyer, shumë xheneroz. Aktor brilant i karaktereve të ngrohta. Fitimi krijonte një karakter që e mbaje mend, nuk e harroje”, tha Bulku.

Ndërsa për aktorin Mehdi Malkaj, Fitim Makashi ishte një njeri në kuptimin e plotë të fjalës. Malkaj tha se më shumë do e ndjenin artistët mungesën e Fitim Makashit, sesa vetë familja e tij.

“Iku një njeri që në kuptimin e plotë të fjalës ishte njeri. Neve do ta ndjejmë më shumë se familja dhimbjen e madhe që ka familja”, tha Malkaj.

Fitim Makashi, babai i këngëtarit Redon Makashi, u shua si pasojë e një sëmundjeje të rëndë. Ai vuante nga demenca dhe së fundmi kishte kryer edhe një operacion që i kishte përkeqësuar gjendjen shëndetësore.

RadioTelevizioni publik në Mal të Zi ka ngritur alarmin për futjen e drogës në vend përmes rrugëve tokësore dhe ujore nga Shkodra.

Sipas medias, disa ditë më parë në fshatin Zbelj të Tuzit u ndalua një automjet që po ecte me shpejtësi tej normave.

Nga kontrollet u zbuluan 95 pako me marijuanë, e ardhur nga Shqipëria.

Artikulli i plotë:

“Pasi oficerët e policisë nga Qendra Rajonale e Policisë Kufitare “Centar”, në bashkëpunim me oficerët e Departamentit për Shtypjen e Krimit Ndërkufitar, parandaluan kontrabandën e më shumë se 100 kilogramëve marihuanë disa ditë më parë në fshatin Zbelj, Komuna e Tuzit, vëmendja u tërhoq përsëri për faktin se ekziston një numër i madh rrugësh të paligjshme nga Shqipëria fqinje në vendin tonë.

“Gjatë aktiviteteve të intensifikuara dhe mbikëqyrjes së zonës më të gjerë të kufirit shtetëror, vumë re një automjet pasagjerësh që po lëvizte me shpejtësi të lartë. Automjeti u gjet më pas pa shofer në një vendndodhje në qytetin e Vranjit”, njoftoi Drejtoria e Policisë.

Një inspektim i detajuar zbuloi 95 pako të vogla PVC që përmbanin lëndë bimore të gjelbra, të ngjashme me marihuanën, me një peshë totale prej rreth 107 kilogramësh. Dyshohet se droga është kontrabanduar nga Republika e Shqipërisë. Dy vjet më parë, oficerët e policisë gjetën 57 kilogramë marihuanë në pjesën bregdetare të Liqenit të Shkodrës, në brigjet e kanalit të lumit Moraça, pranë stacionit hekurudhor Zeta.

Edhe atëherë, një bashkëbisedues i informuar mirë i Portalit RTCG kujtoi se midis Malit të Zi dhe Shqipërisë, në atë zonë, ka disa kalime të paligjshme që janë pothuajse të panjohura për qytetarët e zakonshëm, por janë shumë të njohura për kontrabandistët dhe kontrabandistët e ndryshëm.

“Një nga këto rrugë të çon drejtpërdrejt përmes Liqenit të Shkodrës, nga fshati shqiptar i Zogajt deri në Mali Ostros”, thotë ky bashkëbisedues.

Sipas tij, rruga nga Bajza dhe Alaja, ose Shkodra, gjithashtu kalon përmes Liqenit të Shkodrës dhe përfundon në Golubovci.

“Mund të udhëtoni me makinë nga Shqipëria në Mal të Zi edhe nëpërmjet rrugës nga Zogaj -Valas, dhe përtej pikës kufitare nga Shqipëria në Tuz, ka një rrugë nga Shkodra nëpërmjet Kopilikut. Me siguri ka edhe disa kalime të tjera të paligjshme në këtë segment që vetëm kontrabandistët i dinë”, thotë bashkëbiseduesi i portalit tonë.

Portali RTCG ka shkruar më parë në detaje për të gjitha kalimet e paligjshme kufitare në territorin e Malit të Zi drejt fqinjëve të tij, veçanërisht drejt Shqipërisë.

Pranë Ulqinit, ekziston një rrugë ilegale nga qyteti shqiptar Velipoje që të çon në Donji Štoj.

“Kalimi kufitar i Sukobinit anashkalohet në qytetet shqiptare të Shasit dhe Dajcit. Këto janë dy kalime të paligjshme shumë të njohura. Nga Shqipëria, më në veri, mund të arrini në Guci nëpërmjet rrugëve të paligjshme në vetëm dy vende”, thotë burimi ynë.

Ka shumë më tepër rrugë të paligjshme në Mal të Zi drejt fqinjëve të saj, duke anashkaluar kalimet zyrtare kufitare, sesa ato që janë të regjistruara zyrtarisht, dhe ato janë shumë të vështira për t’u kontrolluar në çdo kohë, të cilat kontrabandistët dinë t’i përdorin.

Në dritën e informacionit dhe operacioneve të fundit policore, rrugët nga Shqipëria në Mal të Zi në rajonin e Liqenit të Shkodrës janë veçanërisht interesante dhe përdoren kryesisht për kontrabandën e marijuanës.

Shqipëria është njohur prej kohësh si një nga prodhuesit më të mëdhenj të marijuanës dhe skunkut në botë. Pavarësisht operacioneve policore të kryera në atë vend në fshatin Lazaret, është e qartë se ky prodhim është ende shumë i zhvilluar, dhe kanalet e kontrabandës për në Evropën Perëndimore shpesh çojnë direkt përmes Malit të Zi. Nëse në një operacion në zonën e Tuzit u zbuluan 107 kilogramë marijuanë, e cila besohet se është importuar nga Shqipëria, lind pyetja – sa lëndë narkotike hyjnë atëherë në vendin tonë çdo ditë përmes këtyre rrugëve?

Shkalla e prodhimit dhe kontrabandës së drogës tregohet edhe nga të dhënat e publikuara më parë nga agjencia amerikane AP. Sipas kësaj agjencie, fshati shqiptar i Lazaratit mban epitetin e një “fabrike marijuane” me një prodhim vjetor prej rreth 900 tonësh kanabis dhe “eksport” të lëndëve narkotike me një vlerë tregu prej katër miliardë e gjysmë eurosh të pabesueshme.

Sipas Kombeve të Bashkuara, vlera globale e tregtisë së paligjshme të marijuanës është 140 miliardë dollarë. Kontrabanda e skunk në Shqipëri kryhet kryesisht nga katër klane mafioze, dhe në dritën e të dhënave financiare mbi këto biznese, të cilat kanë përmasa industriale, është e qartë se edhe grupet kriminale malazeze gjejnë lehtësisht interesin e tyre. Sa fitimprurëse është tregtia e kësaj droge në Ballkan, tregohet nga të dhënat se tregu i narkotikëve në Ballkan është përmbytur me “bar” shqiptar për dekada të tëra.

Marihuana e cilësisë më të lartë në Shqipëri kushton 2,000 euro për kilogram, dhe vetëm në tregjet e varfra të këtij rajoni, në Shkup, Podgoricë, Beograd, Sarajevë dhe Zagreb, ajo shitet për 5,000 euro për kilogram. Sipas disa të dhënave, mafia e drogës shet mbi 117 ton marihuanë shqiptare çdo vit vetëm në Ballkan.

Qarkullimi i automjeteve në aksin rrugor Librazhd-Qafë Thanë është bllokuar plotësisht në të dyja drejtimet, si pasojë e rrëshqitjes së një masivi dheu dhe gurësh nga mali.

Sipas njoftimit zyrtar të Policisë së Elbasanit, ngjarja ka ndodhur në vendin e quajtur Dragostunjë, ku materiali i rrëshqitur ka zënë të gjithë gjerësinë e rrugës, duke e bërë të pamundur kalimin e mjeteve.

Sipas autoriteteve në zonë ndodhen shërbimet e Policisë Rrugore, të cilat po bashkëpunojnë me firmën kontraktore të mirëmbajtjes së rrugëve për pastrimin e aksit dhe rikthimin e qarkullimit në një kohë sa më të shpejtë.

Ndërkohë, Policia Rrugore e Elbasanit u bën apel drejtuesve të mjeteve që kanë si destinacion Korçën apo lëvizjen në drejtim të kundërt, të shmangin qarkullimin në këtë aks deri në një njoftim të dytë për hapjen e rrugës.

GJKKO ka rrëzuar kërkesën e kryebashkiakut të Tiranës Erion Veliaj për zëvendësimin e masës së sigurisë.

Veliaj u paraqit sot në Gjykatën e Posaçme ku u zhvillua seanca për shqyrtimin e masës së sigurimit “arrest me burg”.

Ai kishte kërkuar zëvendësimin e kësaj mase.

Veliaj është paraqitur fizikisht në sallën e GJKKO, ndërsa SPAK u përfaqësua nga dy prokurorët Altin Dumani dhe Ols Dado.

SPAK ka ngritur ndaj Veliajt 13 akuza, duke përfshirë korrupsion pasiv, pastrim parash, mosdeklarim të pasurisë, shpërdorim detyre dhe futje të sendeve në burg.

Mbi tre milionë dokumente të dosjes së Epstein janë publikuar nga Departamenti i Drejtësisë i Shteteve të Bashkuara

Në dokumentet e publikuar së fundmit, të skandalit të autorit të krimeve seksuale, Jeffrey Epstein doli në pah edhe emri i politikanit dhe ish-të dërguarit të Bashkimit Evropian për dialogun Kosovë – Serbi, Miroslav Lajçak. Mesazhet e publikuara të vitit 2018, flisnin për një marrëdhënie më personale nga sa kishte pranuar më parë Lajçak.

Nga detajet e bëra publike, Lajçak dhe Epstein diskutonin jo vetëm për politikë dhe diplomaci, por edhe për gra, duke bërë që pas këtyre publikimeve Lajçak të dorëhiqej nga posti i tij si këshilltar i kryeministrit sllovak.

Në një nga bisedat, Epsteini i ofronte Lajçakut gra, duke shtuar se mund të ‘marrë edhe motrat e tyre’. Ai më pas ironizonte duke thënë se ndoshta janë shumë të reja për të, pasi janë nën 30 vjeç.

‘Mos u bë i keq. Nuk e dinë si jam në aksion’, i përgjigjej Lajçakut, sipas gazetës Dnevnik N. Në mesazhet e tjera, të dy flisnin për ‘vajza’ në Kiev ose Moskë, me një ton të relaksuar dhe shpesh me shaka.

Për një foto nga Moska, Epsteini i shkruante se do të preferonte ‘një vështrim më të brendshëm’ dhe pretendonte se ato vajza ishin ‘eksporti më i mirë rus’.

Por Lajçak përgjigjej ‘pas naftës’. Por Lajçak i mohon këto  dhe thotë se kurrë nuk ka komunikuar me Epsteinin për gra. Por dokumentet tregojnë se komunikimi i tyre nuk ishte sporadik.

Emri i Lajçakut përmendet qindra herë, dhe abuzuesi seksual shpesh e thërriste me emrin e afërt ‘Miro’.

Një pjesë e mesazheve datojnë nga periudha kur Lajçaku ishte president i Asamblesë së Përgjithshme të OKB-së dhe qëndronte rregullisht në New York.

Gjatë kësaj periudhe, thuhet se janë organizuar takime, darka dhe vizita të mundshme në rezidencën e Epsteinin në Florida ku u abuzuan vajza të mitura