Kryeministri i Malit të Zi, Zdravko Krivokapiç ka kërkuar dorëheqjen e Ministrit të Drejtësisë, të Drejtave të Njeriut dhe të Pakicave, Vladimir Leposaviç pas deklaratës që ky i fundit bëri se nuk do të njoh gjenocidin në Srebrenicë. Ai tha se ka kërkuar shkarkimin e tij nga detyra për të treguar përgjegjësinë që ka shteti.
“Deklarata mbeti në të njëjtin sfond dhe nuk mund ta përballoja atë luks, por reagova në emër të Qeverisë dhe thashë se çfarë është një fakt. Unë kërkova dorëheqjen e Leposaviç, sepse besoj se kjo është mënyra më e mirë për të treguar përgjegjësinë tonë në një akt personal. Unë e bëra atë të premten dhe e bëra sot, duke dashur të mbroj së pari integritetin e kësaj Qeverie. Meqenëse Leposaviç mbeti në pozicionin e tij, unë mora një vendim të vështirë një propozim për të shkarkuar një anëtar të Qeverisë, në këtë rast ministrin Leposaviç”, tha Krivokapiç.
Disa ditë më parë Leposaviç tha se do ta njoh gjenocidin në Srebrenicë në momentin që ai do të vendoset pa mëdyshje dhe kur gjykata në Hagë ta vërtetojë këtë gjenocid.
