Një ngjarje e rëndë ndodhi më 4 korrik në qytetin e Shkodrës, ku dy të rinj u përleshën me thika për një vajzë.
Raportohet se Policia e Shkodrës ka arrestuar autorin, 20-vjeçarin Astmir Shabanaj.
I plagosur mbeti Igli Pallosha, pas një konflikti mes palëve.
Materialet i kanë kaluar Prokurorisë së Rrethit Gjyqësor Shkodër për veprat penale “Plagosja e rëndë me dashje”, “Ndërhyrje të padrejta në jetën private” e “Mbajtja pa leje e armëve të ftohta”.
Njoftimi i Policisë:
Zbardhet dhe dokumentohet ngjarja e ndodhur me datë 04.07.2019, ku mbeti i plagosur me mjet prerës (thikë) shtetasi I. P.
Kapet dhe ndalohet autori i dyshuar i kësaj ngjarje.
Nga shërbimet e Komisariatit të Policisë Shkodër në bashkëpunim me Forcën Operacionale të D. V. P. Shkodër në bazë të informacioneve të marra në rrugë operative u bë kapja dhe ndalimi i shtetasit A. Sh. 20 vjeç, banues në Shkodër.
Kapja dhe ndalimi i tij u bë pasi është autor i dyshuar i ngjarjes së ndodhur me datë 04.07.2019, ku pas një konflikti të ndodhur për motive të dobëta, në lagjen “Qemal Stafa”, Shkodër, mbeti i plagosur me mjet prerës (thikë) shtetasi I. P. 19 vjeç, banues në Shkodër.
Materialet i kaluan Prokurorisë së Rrethit Gjyqësor Shkodër për veprat penale “Plagosja e rëndë me dashje”, “Ndërhyrje të padrejta në jetën private” e “Mbajtja pa leje e armëve të ftohta”.
