Sot është paralajmëruar protestë kombëtare nga studentët, të cilët kanë ftuar çdo qytetar tu bashkëngjiten dhe t`i mbështesë ata. Dita e 11-të e protestës sapo ka startuar, ku qindra qytetarë janë mbledhur përpara Kryeministrisë, duke lëshuar thirrje kundër qeverisë në lidhje me 8 kërkesat e studentëve.
Mësohet se studentëve i është bashkëngjitur një grup banorësh nga ‘Unaza e Re’, të cilët lajmëruan edhe pasditen e djeshme se do jenë aty, në mbështetje të studentëve. ‘Studentët janë bijtë tanë’, tha një nga banorët e Astirit dje.
Njoftohet se edhe studentët e Elbasanit janë drejt mbërritjes në Tiranë.
Ndërkohë, disa studentë kanë kaluar mbrëmjen para zyrës së Ramës, të cilët kanë sfiduar të ftohtin e acartë gjatë natës.
