Kryeministri Edi Rama gjatë fjalës së tij me përfaqësuesit e biznesit në Durrës ka deklaruar se nëse qeveria to të ulte çmimin e naftës atëherë detyrimisht qeveria do të rrisë çmimin e energjisë.
“Ne i kemi vënë mburojë financiare çdo familje dhe ia kemi ndaluar erën furtunën e rritjes se çmimeve të energjisë që ti preki.
Por kjo nuk do të thotë që furtuna nuk ekziston. Janë para që i vëmë në dispozicion nga arka e shtetit.
Nëse do ulnim taksën e naftës siç thonë me çfarë do t’i financonim këto nevoja?
Nuk rrisim dot çmimin e energjisë për të ulur çmimin e naftës për ata që kanë vetura. Nëse ia ulim naftën dhe detyrimisht rrisim energjinë goditja është marramendëse. Për këtë arsye do mbajmë mburojën e energjisë.”, tha Rama.
