Ish-kryeministri Sali Berisha ka bërë deklarata të forta nga Kuvendi ku ka bërë me dije se ambasada ruse në Tiranë i ka drejtuar vendit një letër kërcënuese dhe se kryeministri Edi Rama po hesht ndaj këtij kërcënimi.
“Dua të dënoj këtu letrën kërcënuese të ambasadës ruse në Tiranë drejtuar Shqipërisë dhe dua të theksoj se letra është një fyerje dh kërcënim për çdo shqiptar dhe është rrjedhojë e kapitullimit të argatit të Beogradit në Tiranë, Ramës. Par asnjë shantazhi primitiv, të paprecedentë me të cilin përballet Europa, sot Rusia tejkalon si forcë e të keqes çdo forcë në kërcënim që ka njohur historia. Kërcënon të përdorë armë bërthamore kundër vendeve të lira, të pushtojë një vend fqinj. Të përpiqet të shkatërrojë NATO-n dhe vendi i vetëm që ka heshtur si fija e barit ndaj këtij shantazhi është një vend anëtar i NATO-s. Parlamenti duhet me urgjencë të votojë një rezolutë ku të shprehë solidaritetin me Ukrainën”, tha ai.
