Ministri i Brendshëm Sandër Lleshaj është paraqitur në Komisionin e Medias ku i është drejtuar kryetares së këtij komisioni Albana Vokshin me pyetjen: Më thuaj nenin me të cilin më keni thirrur? Kjo shkaktoi dhe debat mes deputetëve, ku Vokshi u përpoq t’i jepte përgjigje ministrit.
“Nuk keni vetëm detyrim të raportoni tek kryeministri, mbase nuk e keni kuptuar se jeni ministër i ri“, ka thënë Vokshi.
Ndërsa Lleshaj i është përgjigjur po me pyetje duke shtuar se neni 80 i Kushtetutës parashikon që duhet tre javë kohë për t’u përgatitur për t’u paraqitur para komisionit.
“Mbase e kam kuptuar. Por më thoni cilin nen. Neni 80 i Kushtetutës parashikon që duhet tre javë kohë“, është shprehur Lleshaj./real-news.tv/
