Tre persona kanë ndërruar jetë në Holandë, kur një kamion ka dalë nga rruga dhe ka hyrë mes përmes turmës në një festë në jug të vendit.
Sipas policisë ngjarja nuk ka të bëjë me akt terrorist, ndërsa mësohet se shoferi i kamionit ka rënë në prangat e policisë.
Aksidenti ndodhi rreth orës 19:00 me orën lokale, 30 kilometra në jug të Roterdamit, teksa po zhvillohej festa vjetore e barbekjusë ( festa e pjekjes së mishit në zgarë në ambiente të jashtme).
Sipas mediave holandeze, qytetarët e lënduar nga aksidenti u dërguan në spital me lëndime të rënda. Sakaq policia nuk ka publikuar ende shifrat përfundimtare të viktimave dhe të lënduarve nga aksidenti tragjik.
