Tragjedia e ndodhur në Letoni, ku humbi jetën ushtarakja shqiptare Zarife Hasanaj, ka bërë që ministrja e Mbrojtjes Olta Xhaçka të ndërpresë vizitën zyrtare në Itali. Sipas asaj që njofton zyra e shtypit të ministrisë së Mbrojtjes Xhaçka do të udhëtojë drejt Rigës për të vizituar dy efektivët e plagosur dhe për të takuar kontingjentin shqiptar atje.
Kujtojmë se nga shpërthimi i minës kanë mbetur të plagosur edhe komandanti i kontigjentit, Major Klodian Nikolla Tanushi dhe Rreshter Julian Xhevat Kapaj. /real-news.tv/