Vendosen ‘grerëzat’ në rrugën ‘Dritan Hoxha’, lehtësohet lëvizja e mjeteve të transportit

Bashkia e Tiranës vijon punën për të lehtësuar lëvizjen e mjeteve të transportit publik.

Kryetari i bashkisë së Tiranës, Erion Veliaj ka publikuar fotot nga punimet që po kryhen në rrugën “Dritan Hoxha”, në kryeqytet.

“Në dritën e diellit edhe punët duken xixë. Ekipi përfundoi vendosjen e ‘grerëzave’ të reja në rrugën ‘Dritan Hoxha’, duke e bërë më të aksesueshme për lëvizjen e mjeteve të transportit publik. Në nxitim të punëve të tjera, për zhvillimin e Tiranës”, shkruan Veliaj.

Vendosja e ‘grerëzave’ në rrugë ka lehtësuar kalimin e automjeteve duke mundësuar ndarjen e rrugës.