Teksa palët brenda PD bëjnë thirrje për bashkimin e demokratëve, sot kreu i grupit Parlamentar të Partisë Demokratike, Enkelejd Alibeaj, do të mbledhë sot grupin e PD. Alibeaj autorizoi dje sekretarin e grupit të PD-së, Arbi Agalliun, që të njoftojë deputetët që sot, një orë para seancës plenare, në selinë e Partisë Demokratike, të mblidhet Grupi Parlamentar.
Mesazhi i kreut të grupit parlamentar, Enkelejd Alibeaj ka mbërritur edhe tek 9 deputetë të PD të cilët pak muaj më parë u pezulluan për shkak të qëndrimeve të tyre, por jo tek deputetët e përjashtuar Sali Berisha, Flamur Noka, Albana Vokshi, Edmond Spaho dhe Luan Baçi.
