Në orët e vona të mbrëmjes u mbyll samiti i vendeve të Ballkanit Perëndimor, i thirrur në Berlin nga Kancelarja gjermane Angela Merkel dhe Presidenti francez Emanuel Macron.
Në këtë samit Shqipëria përfaqësohej nga kryeministri Edi Rama dhe ministri i komanduar i Jashtëm, Gent Cakaj.
Sot në mëngjes Rama publikon një video pas përfundimit të darkës.
Ndërsa ajo që bie në sy është “vrapi” i Ramës pas Merkelit dhe Macronit.
Duket se Rama është treguar më i “aftë” për t’i pëshpëritur në vesh njëherë Merkelit dhe njëherë Macronit.
“MIRËMËNGJES
dhe me pamjet e mbrëmjes së vonë, dje pas një dite të gjatë me përfundime inkurajuese, mbi sfidat e vendit e të rajonit dhe procesin e paqes përfundimtare mes Kosovës e Serbisë, ku tanimë ka një angazhim të shtuar të Gjermanisë e të Francës, ju uroj një ditë të mbarë”, shkruan Rama./Express
