Një ngjarje shumë e çuditshme ka ndodhur në Hong Kong. Një grua humbi më shumë se 10 vjet kujtime nga jeta e saj pasi u shtrëngua shumë fort në tualet. Gruaja, identiteti i së cilës mbetet anonim, pësoi “errësim mendor” për shkak të kapsllëkut.
Lajmin e raporton e përditshmja The Sun. Sipas informacioneve gruaja harroi 1 dekadë të jetës për një periudhë kohore prej 8 orësh. Memoria e saj u rikthye gjatë natës në spital, megjithatë ajo nuk mbante mend 8 orët që kaloi në spital.
Ndonëse mund të duket e pabesueshme, duke folur për The Sun, Dr Sarah Jarvis tha se teorikisht është e mundur që dikush të humbasë memorien për shkak të shtrëngimit të tepruar në tualet.
