Kryeministri Edi Rama ka paralajmëruar se pasditen e sotme do të zhvillojë në Shkodër takimin e radhës elektoral, prej ku do të prezantojë kandidatin e ri për këtë bashki.
Por, Kryetarja e Bashkisë së Shkodrës, Voltana Ademi, në bindje të dekretit të Presidentit Ilir Meta për anulimin e zgjedhjeve të 30 qershorit, konsideruar nul nga mazhoranca, Kuvendi dhe Komisioni Qendror i Zgjedhjeve, kërkon të ndalojë takimin elektoral të kreut të qeverisë, sot pasdite në kryeqendrën e veriut.
