Presidenti rus, Vladimir Putin, mori pjesë në paradën e forcave detare në Shën Petersburg ku deklaroi se Marina ruse është e gatshme të luftojë “çdo agresor”.
Presidenti Putin nga bordi i një anijeje, në shënimin e Ditës së Marinës në Rusi, tha se kjo ditë nderon “të gjithë ata, që në kohë të ndryshme të historisë i kanë shërbyer Rusisë me nder dhe besnikëri dhe vazhdojnë ta bëjnë një gjë të tillë në këta kufij, por edhe larg atdheut”.
Parada detare u mbajt në lumin Neva. Në paradë u përfshinë 43 luftanije dhe nëndetëse, 41 avionë dhe rreth 4 mijë trupa.
