Përdorimi i medieve sociale lidhet ngushtë me depresionin, veçanërisht tek vajzat adoleshente,të cilat janë më të prekura nga navigimi në internet.
Studiuesit zbuluan se mediet sociale mund të dëmtojë shëndetin mendor të vajzave duke rritur ekspozimin e tyre ndaj ngacmimit dhe duke zvogëluar sasinë e gjumin dhe ushtrimet fizike.
“Rezultatet tona sugjerojnë që mediet sociale në vetvete nuk shkaktojnë dëme, por që përdorimi i shpeshtë mund të prishë aktivitetet që kanë një ndikim pozitiv në shëndetin mendor siç janë gjumi dhe ushtrimet, ndërsa rrit ekspozimin e të rinjve ndaj përmbajtjeve të dëmshme, veçanërisht përvojën negative të ngacmimi në internet ”, tha bashkë-autori i studimit Russell Viner.
Me fjalë të tjera, mediet sociale nuk mund të jenë fajtore për çështjet e shëndetit mendor; por largon gjumin cilësor të vajzave dhe ulë aktivitetin fizik, ndërsa i ekspozon përdoruesit ndaj sulmeve në inernet, dhe kjo është ajo që çon në mirëqenie më të ulët dhe probleme me shëndetin mendor.
Bob Patton, një pedagog i psikologjisë klinike në Universitetin e Surrey, tha që kjo do të thotë se strategjitë që përqendrohen vetëm në zvogëlimin e përdorimit të medieve sociale si një mjet për të përmirësuar mirëqenien ose shëndetin mendor mund të mos ndihmojnë.
Për djemtë ndikimi në shëndetin e tyre mendor duket të jetë për arsye të tjera, kështu që nevojiten hulumtime të mëtejshme, thanë autorët.
/real-news.tv/
