Një stuhi e fuqishme që po kërcënon Floridan dhe Bahamas është forcuar në kategorinë e katërt, thotë Qendra Kombëtare e Uraganëve në SHBA.
Uragani Dorian parashikohet të ketë erëra maksimale deri në 215 km / orë.
Ai pritet të rritet edhe më i fortë pasi të kalojë pjesën veri-perëndimore të Bahamasit dhe të arrijë në Florida në fillim të javës tjetër.
Turistët kanë filluar të largohen nga Bahamas para mbylljes së aeroportit ndërkombëtar.
Gjendje e jashtëzakonshme është shpallur në Florida, ku banorëve u është kërkuar që të rezervojnë mjaft ushqime, ujë dhe ilaçe për të kaluar të paktën një javë.
Parashikuesit paralajmërojnë se Dorian mund të jetë stuhia më e keqe e shtetit pas uraganit Andrew, i kategorisë së pestë, i cili vrau 65 njerëz dhe shkatërroi 63,000 shtëpi në 1992.
“Dorian pritet mbetet një uragan jashtëzakonisht i rrezikshëm ndërkohë që afrohet Floridës”, njoftoi Qendra Kombëtare e Uraganeve (NHC), me parashikime që tregojnë se do të bëhet një uragan i kategorisë 4.
Uragani ka potencialin që të shkaktojë dëme të mëdha në Florida pasi pritet të godasë këtë shtet me erëra të fuqishme dhe reshje të dendura./real-news.tv/
