Kryebashkiaku i Memaliajt, Gjolek Gjuci është proceduar penalisht në Prokurorinë e Gjirokastrës. Ndaj tij, rëndon akuza e shpërdorimit të detyrës.
Burime bëjnë me dije se janë “materialet në Prokurorinë pranë Gjykatës Shkallës së Parë Gjirokastër, për shtetasin Gjolek Guci, banues në Memaliaj, me detyrë Kryetar i Bashkisë Memaliaj, sepse ka bërë kallzim shtetasi Luan Bino, banues në Tiranë, se ka kryer shpërdorim detyre duke hapur rrugën e fshatit Luftinjë në pronën e tij, pa bërë vlerësimin dhe kompensimin përkatës”.
Gjuci u zgjodh në krye të Bashkisë së Memaliajt në zgjedhjet e 30 Qershorit, ndërsa është akuzuar më herët dhe nga PD, se ka ndryshuar identitetin.
