Pasidten e sotme autoritetet e vendit fqinj kanë publikuar rezultatet e autopsisë së marinarit shqiptar, Ndue Nikolli, i cili u gjet i pajetë paraditen e sotme në anijen shqiptare në Greqi.
Mësohet se ai ka pësuar infarkt. Ekspertiza mjeko-ligjore, sipas mediave greke, ka bërë me dije se shkak për vdekjen e shqiptarit, 63 vjeç, është bërë sulmi në zemër.
Nikolli kishte pesë ditë në anije, dhe vetëm sot është gjetur i pajetë nga agjenti i anijes me flamur shqiptar “BERGFJORD”. Shqiptari kishte rënë në tokë pa ndjenja në dhomën e motorëve ta mjetit lundrues.
