Një shtetas shqiptar dhe një italian janë arrestuar për tentativë grabitje dhe drogë. Dy personat e arrestuar ditën e djeshme janë Florenc Mataj 38 vjeç dhe Gianfanco Bassani 40 vjeç, të dy të njohur nga policia për krime të ndryshme përfshirë edhe atë në fushën e drogës.
Sipas mediave italiane arrestimi i tyre u bë pasi në datën 27 mars një 44-vjeçar nga Bassano u paraqit në polici duke kërkuar ndihmë, pasi ishte kërcënuar nga dy persona për grabitje.
Personi, i cili denoncoi ishte person me varësi nga droga. Ai tha se dy personat i kishin kërkuar atij 2 mijë euro për një furnizim të pretenduar të drogës, por kjo gjë u mohua nga ai.
Dy personat u arrestuan gjatë një organizimi nga ana e policisë për një tentativë grabtije.
Pas arrestimit, policia zhvilloi kontrolle edhe në shtëpinë e Gianfanco Bassanit, ku u gjetën 41 doza hashashi dhe kokaine dhe 160 euro, që i përkisnin shqiptarit Mataj.
Të dy të arrestuarit u shoqëruan u dërguan në paraburgim deri në seancën për rivlerësimin e masës së sigurisë.
