Pas takimit me liderët e opozitës, zyrtari amerikan Matthew Palmer ka zhvilluar një tjetër takim kësaj here me presidentin e Republikës, Ilir Metën.
Meta shpërndau një foto nga takimi në rrjetin social ‘Facebook’, ku shkruan se u bisedua për situatën e vështirë politike në Shqipëri si dhe mënyrat për të ecur përpara.
“Takim i hapur dhe miqësor me Zëvendës Ndihmës Sekretarin e Shtetit për Europën, Matthew Palmer mbi situatën e vështirë politike në vend dhe rrugëdaljet për të ecur përpara. Interes i ndërsjellë për forcimin e demokracisë dhe shtetit të së drejtës, që qëndrojnë në themel të partneritetit strategjik mes dy vendeve”, shkruan Meta./real-news.tv
