Abuzimet seksuale/Reagon Lleshaj: Ja ku jam unë me policët!

Ministri i Brendshëm Sandër Lleshaj ka reaguar për arrestimin e shefit të policisë në Malësinë e Madhe, i cili akuzohet për ngacmim seksual ndaj një 15-vjeçareje.

Përmes një postimi në Twitter, Lleshaj iu është përgjigjur edhe shumë qytetarëve që kanë ironizuar deklaratat e tij se atje ku janë policët abuzues është edhe fytyra e ministrit të Brendshëm.


Policët nuk janë të Lleshajt, por të Shqipërisë. Lleshaj identifikohet pa dyshim me policët që sot arrestuan një pervers, me policët që sakrifikojnë natë e ditë duke shërbyer. Një pervers mund të shërbejë si flamur për politikanë perversë, por nuk mund të njollosë askënd përveç vetes së tij dhe atyre që i gëzohen ekzistencës së tij. Mbështetje për Policinë e Shtetit Shqiptar!”, shkruan Lleshaj./real-news.tv/