Dorëhiqet prokurori, Petrit Fusha

Prokurori Petrit Fusha ka dhënë dorëheqjen duke dalë nga radhët e sistemit të drejtësisë. Ish-drejtuesi i Prokurorisë së Tiranës i cili aktualisht ishte prokuror në institucionin qendror të akuzës e ka paraqitur dorëheqjen pranë Këshillit të Lartë të Prokurorisë dhe Komisionit të Pavarur të Kualifikimit.

Arsyet e dorëheqjes nuk bëhen te ditura. Ndërkohë pritet që shkalla e parë e Vettingut të ndërpresë procesin e rivlerësimit për subjektin Fusha, raporton BalkanWeb.

Prokurori po vetohej me përparësi për shkak të funksionit si prokuror në prokurorinë e përgjithshme. Për të, KPK nuk kishte caktuar datën e seancës dëgjimore publike./real-news.tv/