Një aksident tragjik ka ndodhur në Petritoli, në Fermano, Itali. Mësohet se një djalë shqiptar vetëm 10 vjeç ka humbur jetën tragjikisht në aksidentin automobilistik, në makinën që e ngiste babai i tij.
Burri, një 40-vjeçar shqiptar, me banim në Itali për shumë vite, po ngiste një makinë, kur humbi kontrollin e makinës e cila përfundoi duke u përplasur në një mur dhe më pas u përmbys.
Nga përplasja e dhunshme, fëmija doli nga makina duke ndërruar jetë, ndërsa babai ishte i bllokuar mes ‘airbag’-ve të makinës.
Zjarrfikësit e Fermo dhe personeli mjekësor kanë shkuar në vendngjarje pas njoftimit për aksidentin.