Efektet e përdorimit të rrjeteve sociale në kënaqësinë e adoleshentëve janë të kufizuara dhe ndoshta “të vogla”, sugjeron një studim i 12,000 adoleshentëve të Mbretërisë së Bashkuar.
Familja, miqtë dhe jeta shkollore të gjitha kishin një ndikim më të madh në mirëqenien e tyre, thotë ekipi hulumtues i Universitetit të Oksfordit.
Ky ekip pretendon se studimi i tyre është më i thellë dhe më i fuqishëm se studimet paraprake.
Hulumtuesit gjithashtu u bënë thirrje kompanive të publikojnë të dhëna se si njerëzit përdorin rrjetet sociale në mënyrë që të kuptojnë më shumë për ndikimin e teknologjisë në jetën e të rinjve.
Studimi, i botuar në revistën PNAS, përpiqet të përgjigjet në pyetjen nëse adoleshentët që përdorin rrjetet sociale më shumë se mesatarja kanë kënaqësi më të ulët të jetës, ose nëse adoleshentët me kënaqësi më të ulët të jetës përdorin më shumë rrjetet sociale.
Hulumtimet e kaluara mbi marrëdhëniet midis ekraneve, teknologjisë dhe shëndetit mendor të fëmijëve shpesh kanë qenë kontradiktore./real-news.tv/
