Kryeministri Edi Rama ka akuzuar sot opozitën që sipas tij shpërtheu në festë pas lajmit që Parlamenti holandez votoi për kthimin e vizave.
Rama gjatë fjalës së tij u shpreh se opozita ka humbur arsyen, ndërsa tha se nuk do e ndryshojnë dot qeverinë. Rama ironizoi edhe kryeopozitarin Lulzim Basha për këndimin e himnit kombëtar.
“Qeverisë nuk kanë çfarë i bëjnë. Nuk e ndryshojnë dot qeverinë me kapsolla dhe duke kënduar himnin stonato. Nuk e ndryshojnë qeverinë duke kërcënuar, shantazhuar. Edhe sikur të arrijnë të futen këtu dhe të këndojnë këngë patriotike”, tha Rama.
