Një ngjarje e rëndë ka ndodhur gjatë ditës së sotme. Zyrtari i lartë i policisë shqiptare Ervin Dervina, 41 vjeç dhe bashkëshortja e tij, shtetase rumune kanë humbur jetën si pasojë e një aksidenti automobilistik në shtetin rumun.
Lajmin e ka bërë të ditur Policia e Shtetit, e cila është e angazhuar me autoritetet rumune për zbardhjen e shkaqeve të aksidentit. Dervina në Rumani mbante postin e Oficerit të Kontaktit të Shqipërisë pranë Qendrës për Forcimin e Ligjit në Evropën Juglindore.
