Edhe Bashkia e Gjirokastrës ka kërkuar lirimin e ambienteve zgjedhore. Bashkia e qytetit jugor ka urdhëruar KZAZ 78 për lirimin e ambienteve.
Pas këtij urdhri, pritet që në ambientet e bashkisë të vijë edhe policia bashkiake. Kryetari i KZAZ Roland Skëndo shprehet se kanë marrë urdhër nga bashkia për lirim të ambienteve, por se KQZ ka dalë kundër këtij urdhri.
Ai thotë se KZAZ do të zbatojë urdhrin e KQZ.
Gjithashtu, situatë e tensionuar në KZAZ e bashkive të cilat kanë vendosur të zbatojnë dekretin e presidentit Ilir Meta i cili anulon datën e zgjedhjeve, 30 qershor.
Tensione janë vënë re dhe në KZAZ e Kamëz paraditen e sotme.
Qytetarët tentojnë të hapin me forcë derën kryesore të shkolles “Ibrahim Rugova” ku ndodhet KZAZ e Kamzes.
Bashkia duke zbatuar dekretin e presidentit Meta ka dhënë urdhër për lirimin e ambientit.
