Me 155 km/h, radari ‘merr në qafë’ shoferin në Sauk

Policia Rrugore vijon kontrollet në rrugë me qëllim rritjen e parametrave te sigurisë rrugore dhe shmangien e aksidenteve. Në orët e para të kësaj të diele blutë e kryeqytetit kanë kryer kontrolle me radar në Sauk me qëllim ndëshkimin e atyre që shkelin rregullat e qarkullimit.

 

Gjatë kontrolleve ata kanë ndaluar mjete që udhëtonin me shpejtësi të lartë, mes tyre i është hequr leja e drejtimit edhe një shoferi që u kap me 155 km/h, duke u kthyer në një rrezik potencial për jetën e tij dhe përdoruesve të tjerë të rrugës.

Në profilin e Facebook, përkrah videos së aksionit, polica ka shpërndarë edhe një mesazh sensibilizues për të gjithë shoferët.

“Forma e re e menaxhimit dhe kontrollit, ku evidentohet dhe ndëshkohet vetëm ai drejtues mjeti që shkel rregullat e jo të ndalohet çdo mjet. Mos shpejtoni se polici rrugor edhe pse shpesh i padukshëm, është i pranishëm në çdo aks rrugor me anë të mjeteve logjistike, ndërkohë që masa administrative do t’ju vijë aty ku banoni”. (real-news.tv)

Në Sauk me Policinë Rrugore.Të angazhuar për rritjen e parametrave te sigurisë rrugore.Me Radar për të parandaluar aksidentet dhe ndëshkuar ata që shkelin rregullat e qarkullimit.155 km/h deri 160 km/h, e papranueshme. Rrezik potencial për jetën tuaj dhe përdoruesve të tjerë të rrugës.Forma e re e menaxhimit dhe kontrollit, ku evidentohet dhe ndëshkohet vetëm ai drejtues mjeti që shkel rregullat e jo të ndalohet çdo mjet.Mos shpejtoni se polici rrugor edhe pse shpesh i padukshëm, është i pranishëm në çdo aks rrugor me anë të mjeteve logjistike, ndërkohë që masa administrative do t'ju vijë aty ku banoni.

Publiée par Policia e Shtetit sur Samedi 2 février 2019