Policia e Vlorës ka arrestuar një 59-vjeçar, i cili ishte në kërkim nga autoritetet italiane për trafik droge. Mësohet se është vënë në pranga shtetasi Ramadan Budani, banues në fshatin Fitore .
59-vjeçari akuzohet si pjesëtar i një organizate kriminale e trafikimit të lëndëve narkotike dhe në vitin 2009 Gjykata e Palermos ka lëshuar Urdhër Arrestin Evropian. Materialet i kaluan Prokurorisë pranë Gjykatës së Shkallës së Parë Vlorë për veprime të mëtejshme.
