Situata e rendit publik në Shkodër është në qendër të debateve në studiot televizive. Gazetarja Klodiana Lala, e ftuar mbrëmjen e sotme në ‘Byro Politike’ ka komentuar vrasjen e dyfishtë të së shtunës në Shkodër.
‘Unë Shkodrën e shoh ndryshe se shoh agresivet te shtuar të grupeve kriminale ku grupi ‘Bajri’ është goditur në pjesën dërrmuese të tij. Është specifike situata për shkak të mentalitetit që ekziston në këtë zonë, këtu secili grup tenton të godasë tjetrin. Paaftësia dhe implikimi i punonjësve të policisë brenda grupeve kriminale kanë arritur që të rekrutojnë punonjës të Policisë. Për ngjarjen e së shtunën në zonën ku ka ndodhur ngjarja më rezulton që nuk ka funksionuar asnjë kamer sigurie, pas kësaj ngjarjeje është një dorë e sofistikuar dhe kanë dyshime se cili është gruipi kriminal që ka vepruar. Do të duhet të sigurojë provat. E lidh ngjarjen me grupin rival’.
Sipas gazetares në këtë situatë Policia duhet të ketë një plan të detajuar masash sepse është diagnostikuar sëmundja.
‘Bilani është dyshuar për shumë ngjarje të rënda e vetmja mundësi që Shkodra të gjejë paqe është që policia të ketë plan të detajuar se aty është diagnostifikuar sëmundja janë pasojë e bandave rivale që veprojnë dhe cili është antibiotiku që duhet të përdorë’.
