Një lajm i publikuar në media për një vdekje te Infektivi ka bërë që Ministria e Shëndetësisë të reagojë urgjent.
“Nuk ka humbje jete nga Covid-19. 58 vjeçarja ndërroi jetë si pasojë e tumorit. Ministria e Shëndetësisë sqaron se, referuar shërbimit infektiv, pacientja 58 vjeçare që ka ndërruar jetë ka qenë asimptomatike për Covid-19 dhe ka ndërruar jetë si pasojë e sëmundjes tumorale.
58 vjeçarja vuante nga leukoza akute, formë e rëndë progresive si dhe sëmundje të tjera bashkëshoqëruese, diabet mellitus, hipertension”, thuhet në reagimin e ministrisë për news24.
