Një panterë e zezë, e kapur javën e kaluar duke u endur në çatitë e banesave në një qytet në veri të Francës, është vjedhur nga kopshti zoologjik ku po mbahej.
Punonjësit e kopshti zoologjik gjetën të dëmtuar derën e ambientit ku mbahej kafsha, kur mbërritën në punë të martën.
Të mërkurën e kaluar, banorët e Armentières u befasuan kur panë panterën duke ecur në çatitë e banesave.
Kafsha, një femër 6 muajshe, u kap nga zjarrfikësit pasi u arratis nga shtëpia e pronarit të saj.
Një veteriner arriti ta qetësonte me një shigjetë. Pantera me peshë rreth 20 kg, u transferua më pas në kopshtin zoologjik Maubeuge.
Ajo mbahej si kafshë shtëpiake nga pronari i saj dhe nuk ishte agresive, tha Kader Laghouati nga organizata e Mbrojtjes së Kafshëve në Lille.
Ndërsa raportohet se ishte në gjendje të mirë shëndetësore.
Pronari i panterës, emri i të cilit nuk bëhet i ditur, tani po kërkohet nga autoritetet franceze për rrezikimin e jetës së banorëve lokalë.
Ndërsa po hetohet zhdukja e panterës nga kopshti zoologjik.