Ka përfunduar një mbledhje shumë e rëndësishme e asaj që po përcaktohet si partia më e re në skenën politike shqiptare.
Pas mbledhje ka folur edhe ai që mendohet se do të jetë lideri i saj. Ish-deputeti demokrat Astrit Patozi ka konfirmuar për media themelimin e një force të re politike që do të quhet “Bindja Demokratike” dhe se do të regjistrohet ditën e nesërme në gjykatë, ku do të ketë edhe një komunikim për media nga kjo forcë politike.
“Faleminderit shumë për këtë vëmendje, ne nuk kemi asgjë për të fshehur dhe asgjë për të treguar, nesër do të kemi një komunikim me ju post-factum dhe do ju tregojmë çdo gjë”, tha Patozi.