Presidenti grek vijon me deklaratat absurde dhe ekstremiste kundër Shqipërisë. Këtë herë Prokopis Pavlopulos gjatë një fjalimi të mbajtur me rastin e 25 marsit, Ditës së Pavarësisë së Greqisë, ka përmendur edhe një herë kushtet që duhet të përmbushë Shqipëria në perspektivën e saj të integrimit evropian.
Pavlopulos nuk mund të rrijë pa përmendur çamët. Sipas tij Shqipëria ka kërkesa të pabazuara për të drejtat e shqiptarëve të Çamërisë, duke i konsideruar edhe një herë si “bashkëpunëtorë të nazistëve të demonstruar historikisht”.
“Sa për fqinjin Shqipërinë, ne nuk jemi kundër perspektivës së saj evropiane. Por, është e qartë kërkesa; respekt të plotë dhe të sinqertë për të drejtën ndërkombëtare dhe evropiane, duke respektuar sundimin e ligjit dhe të drejtat themelore të njeriut.
Kështu, sjellje të tilla si ato kundër pakicës kombëtare greke, të cilat brutalisht nënvlerësojnë vlerën e jetës apo haptazi fyejnë të drejtat themelore, për shembull, të drejtën e pronës, përbën një pengesë të pakapërcyeshme për rrjedhën e qetë evropiane të Shqipërisë”, tha ndër të tjera Presidenti grek.
/real-neës.tv/
