Presidenti i Kinës, Xi Jinping, do të realizojë një vizitë shtetërore këtë javë në Korenë e Veriut.
Xi do të takojë udhëheqësin koreano-verior, Kim Jong Un, gjatë vizitës të enjten dhe të premten, raportoi televizioni shtetëror i Kinës, CCTV.
Sipas tij, udhëtimi do të jetë i pari i tillë i një udhëheqësi kinez në 14 vite.
Agjencia e lajmeve e Koresë së Veriut KCNA njoftoi për vizitën, por nuk dha më shumë detaje.
Vizita përkon me 70-vjetorin e themelimit të marrëdhënieve diplomatike midis Kinës dhe Koresë së Veriut.
Sipas televizionit CCTV, dy liderët do të shkëmbejnë pikëpamje mbi situatën në Gadishullin Korean.
Vizita vjen në kohën kur bisedimet e Shteteve të Bashkuara me Korenë e Veriut, rreth programit të saj bërthamor, kanë ngecur.
Në muajin shkurt, samiti në Vietnam mes Kim Jong-Un dhe presidentit amerikan, Donald Trump, dështoi për shkak të dallimeve midis palëve./real-news.tv/
