Bashkia e Korçës ka reaguar për protestën e tregtarëve korçarë për mbylljen e tregut (pazarit të madh të qytetit).
Në një prononcim për mediat nënkryetari i bashkisë Klejton Kita ka deklaruar se në tregun e shumicës asnjë person nuk mund të tregtojë duke qenë i pajisur vetëm me niptin e fermerit.
‘Nëse fermerët duan të tregtojnë prodhimet e tyre bujqesore, ata duhet të pajisen me licencen e tregtarit ambulant (NIPT) dhe më pas të ushtrojnë aktivitetin e tyre në tregun Markata e Shijes’ deklaroi Kita.
Bashkia e Korçës pretendon se me mbylljen e tregut shmanget konkurrenca e padrejtë që vjen nga tregu i shumicës të fruta-perimeve, por kjo gjë duket se ka sjellë irritimin e tregtarëve.
